ناسر ئەبووبەکری نووسه ر، وەرگێڕا شیعری کوردی بە فارسی

بلۆقی پێست

ئێوارە بوو
ئێواڕێکی گەرم و تاڵ
و شەمشەمەکوێرەکان
لە نێو دار بەڕووەکان خۆیان
حەشاردابوو
دەنگی خووڕەی کەڵوێ دەیگووت :
ئێمە لە سەرەوەین
ترس لە فڕۆکەکان
خۆف لە بۆڕدومانی کیمیایی ...
ناڵە پڕ لە ئێش و ئازارەکان ...
بلۆقی پێست ...
ئەمن نازانم بۆچی ئێمەی مڕۆڤ
هێندە فەڕامۆش کاریین
ئەمن نازانم کێهە دایکە چاوی
لەسەر قاپی وێنەی ئازیزی داناوە
ئەمن نازانم خاکی پاکی
سەردەشت بۆ هاوار ناکات
شەهیدەکان زیندوون
ڕەنگە ئەمن گیرۆدەی خۆم
یان تامەزڕۆی سەوداکانم بم
هاتەوە بیرم
ئەو ڕۆژەی خوێنێکی سوور کە
لەگەڵ کەڵوێ دەڕۆیی
 و جەستە لەت و کوتەکان
 ئەمن نازانم بۆ چی؟
 ئێمە مڕۆڤەکان دڵسۆز نین
 شەق لە گووڵ هەڵدەدەین
 و لە زەماوەندی
 شەمشەمەکوێرەکانیشدا
 چۆپی دەکێشین و هەڵدەپەڕین
 ئەمن نازانم مێژوو کوێی
 بە غەڕڕەییەوە گوتی ئەمن
 سەردەشتیم؟
 ئەمن نازانم کێهە ناپیاوە خۆی بە ڕەنگی
 مەلائیکەت دەردێنێ
 یان شەیتان لە کێهە جلوبەرگە
 جووانەدا
 پێمان پێدەکەنێ؟؟
 ئەمن نازانم ....؟؟؟!!! . . . . .


ناسری ئەبووبەکری ڕەبەت. جۆزەڕدانی ١٣٩۴

/ 0 نظر / 12 بازدید