شیعری کوردی بوردومانی شیمیایی شاری سه رده شت

شیعری کوردی بوردومانی شیمیایی شاری سه رده شت

به ناوی خوای گه وره                     
بۆمبارانی شیمیایی شاری سه رده شت     
به سڵاوێکی گه رمه وه  وبه دڵێکی پڕ له په رۆش،ئه م پارچه  هۆنراوه ی خۆم که گوێتان لێ ده بێ و یان ده ی خوێننه وه،به ناوی بومبا وه سفی بومبارانی شیمیایی شاری سه ردشته،که له ڕۆژی 7ی پوشپه­ر واته 7/4/1366
هه تاوی سه عات چوار و نیوی ئێواره له لایان فرۆکه کانی حکومتی حیزبی به عسی عیراق 3 گه ره کی دانیشتوانی ئه م شاره یان بۆمبارانی شیمیایی کرد(1-گه ره کی سه رچاوه کولانی چاکه چکوله-2-چواررای شێرو خورشید(هلال ئه حمر) -3- شه قامی که مه ر به ندی نزیک چواررای موخابرات). له ئاکام دا زیاتر له ده هه زار که س مه سموم بون و به رێ کران بو شاره کانی ئێران وده ره وه ی ئیران .له وانه هه تا نوسینی ئه­م بیره وه ریه 132  که سیان کۆچی دواییان کردووه و جه نازه کانیان هێناوته وه بو سه رده شت له گۆڕستانی داوێنی گرده سور به خاک ئه سپیردراون وه چند جنازیکیشیان بردونه وه بو دێیه کانی ده ورو به ری شارو هه روا ژماره ی قوربانیان به ره وزیاتر ده چی و ته می غه مو په ژاره له سر شارو ده ورو به ری راوه ستاوه
پیویسته بڵێم که 2 روژدوای ئه م هێرشه دژ به ئینسانیه گوندی میرگاسه له ناوچه ی ئالانی سه رده شتیش که وته به ر هیرشی فروکه کانی عیراق و7 حه وت که س گیانیان له ده ست دا و چه ند که­سیش بریندار بون،ئه و شه هیدانه له و کاته دا هه مویان له سه ر جۆخین(خه رمان)بون وخه ریکی کێشه و گیره ی ده غڵ ودان بون و له گه ڵ ئه وان ئه و ره شه وه ڵا غانه که ڵه گا گیره که ش دابون به تێکرا سوتان  بون به خه ڵوز به شێوه یێکی زۆر دڵته زین.                                     
به ڵێ بۆمبارانی شیمیایی سه رده شت و ده ورو به ری له کوردوستانی ئێران ڕو داوی کی گڕینگ و دڵته زین بو که هه ر وه ک ده زانن له دوای بۆمبارانی ئه تۆمی دو شاری هیرو شیما وناکازاکی ژاپون له سه ر ده می شه ری دوهه می جیهانی له لایان ئه مریکاوه تا ئێستا جینایه تی وه ها گه وره و دڕندانه نه خوڵقاوه هه ر بۆیه­ش ده بێ بڵین سه رده شت هیرو شیمایی کوردوستانه،که به راستی هه موو زمان و پێنوسێک توانای به­یان کردنی ئه م کاره ساته یان نیه.                                   لێره دا ئیحساساتی ده رونی خۆم که له م پارچه شێعره دا خۆی ده نوینی سه باره ت به م روداوه دڵ ته زینه کردوته دیاریه کی نا قابیل هه م نا ته­واوه و هه م ناڕێکه به لام له وه زیاتر له توانای من دانیه داوای لێبوردنم هه یه ئه وش پارچه شیعره که ی



ئاخ دیسان شه ڕ و شه ڕ و شه ڕ
سه د هه زار نه عله ت ونفرین له شه ڕ
شه ڕی بێ سنور و ماڵ وێرانکه ر
شه ڕی بی ئاکام و دوژمنی به شه ڕ
نازانم به چ زمانیک و چه ند زمان
ئاسه واری شه ڕو خوین که م به یان
چۆن ئاگره ، ده سوتێنی هه ر زمانێک
له بیری که س نا چێته وه هیچ ده ورو زه مانێک
به چه ند قه ڵه مو زبانو هه زاران نوسه ر
دیوی شه ڕو وێرانی نایه­ته ده فته ر
شه ڕی باڕوتو که لاش و دوشکه
بۆمبی شیمیایی و راکێت وفرۆکه
له شارو دیهات،مه زراو کارخانه
مه­رگ­ و وێرانی زوره­و هه­رزانه
بۆنی باروت وئاگرو ئاسن
پێخوری مه­رگه­ به پول ده­یکرن
چه­ند سال و مانگه خۆ وه لاته­که­م
له ژیر سیبه­ری شه ڕه داخه­که م
له باتی نه سیم شه­ماڵ و زریان
هاڕه­ی ته­یاره،بۆمب و سه­وت شکان
پێت وایه هه­وره بارانه نا نا دووکه ڵه­ تۆزه
داده باری وه­ک تۆی مه­رگ دوژمنی هۆزه
ده­سوتێ مه زرا وده رمێنی خانو و ماڵ
ده نۆشی پێمان ژه هری مار و تامی تاڵ
له مه زرا و کارگا، ناو ماڵ و دوکان
سه دان که س به پۆل دروێنه کران
به وێنه ی که باب هه مو برژان و هه ڵقرچان
خه ڵکی به ش مه ینه ت به هه ره وه ز چونه گۆرستان
ته می غه مو په ژاره دایگرتوه وڵات
دێته گوێ ده نگی شیوه ن و هاوار هه ر ساتو کات
ژنو پیاو منداڵ و گه وره به هه زاران
له ناکاو هه ڵ ده وه رن وه ک گه ڵای داران
نه عله تت لی بی ئه ی شه ڕ مناڵی ساوات لێ هه تیو کردین
چه ند ژنت بی مێرد و چه ند پیاوت بی ژن کردین
هه زاران دایکی زگ سوتاو وباوکی مناڵ کوژراو
هێلانه و ماڵیان شێوا له گێژاوی غه ما خنکاو
نه ما سه نعه ت و پیشه نه فه رهه نگو فێر کاری
ره وره وه ی مێژو چه قیوه له زه ڵکاوی جه هلو بێکاری
لای لای دایکان بوته شیوه ن و رورو
ده ردیکی بی ده رما ن ئه ورو له من سبه ی له تو
له کام دێ و کام شار نازانم له هه ر کوێ
مه رگو ویرانی زوره ، تۆمار ناکرێ
ئالان و سوێسنی،سه رده شت و سابلاغ، خانێ و مه ریوان
سنه و سه قز و بانه، قه سری شیرین و کرماشان
هه ر له هه ورامان و سه رپۆل تا ئیلام و میهران
خورره م شارو ئابادان ، زوربه ی زوری خوزستان
ده ربه ده ری و هه ژاری ،نه خۆشی و بێکاری
بۆ زۆربه ی خه ڵکی دێ و شار بونه هاوڕێ و میوانی یه کجاری
وه ک هه وره تریشقه دێن ڕوداوی دڵ ته زێن
له پڕ هه زاران جه رگ و هه ناو هه ڵده کزێن
به لام دڵ ته زێن ترین روداو له م ده ورو زه مانه
له شاری سه رده شت هیروشیمای کوردوستانه
بێته وه به ر چاو داچله کێ هۆش و بیرت
بیته وه بیر گۆڕه پانی مناڵ و پیرو لاو و ژیرت
سالی1366 روژی 7ی پوش په ر
چوار و نیوی ئیواره دیسان کوره ی مه رگو نه ما ن که وته گه ڕ
له سه ر چاوێ تا شیرو خورشید سێ مه ڵبه ندی شار
فرۆکه ی عیراق به بۆمبی شیمیا دایان په لامار
گێژه لوکه ی مه رگ گژه بای دڕ به دیاری هات
ژیانی رۆژانه کۆچی کرد یه ک پارچه شار کش و مات
چه ند ماڵی رو خاند چه ند که سی مراند برینداری کرد به هه زار
بێ به زه یانه ژه هراوی مه رگی باراند دوژمنی پیسی غه ددار
نه یه ک هه زار نه دو هه زار به لکو نزیک به ده هه زار
کوژراو  وبریندار مال ئاوایی کرد ئارام وقه رار
گازی شیمیایی وه ک شه خسه ی پاییز وڵاتی داگرت به یه ک جار
وشکی هه لینا گژو گیا و ده غل و دان وه راندی گه ڵای دار
هاوارو برو که وته ناو ماڵ و شه قامو کۆلان
هێندێک هاواریان ده کرد ده خیل خه ڵکینه نابینی چاو مان
بی به ش نه بو له م روژه ڕه شه دیهاتی ده وری سه رده شت
به تایبه ت کانی ره ش تامی تاڵی زیاتری چێشت
یه ک یه ک و دو دو ڕاده نیشتن بی حال ده بون له گوشه و که نار
ده سته ده سته خه ڵکی په شوکاو هه ڵده هاتن بو ده ره وه ی شار
زۆر بنه ماله ی شار له بن هاتن جۆقه واریان لێ بڕا
ئالای غه م و په ژاره له سه ربانی مالیان هه ل دڕا
فرمێسکی هه ڵ ئه رشتو هاواری کرد گرده سور
وتی داخه که م دیسان هات به ره و شاره که م مه رگی بێ سنور
چ بوه چ ڕوی دا وه ئاوری به ردا له جه رگم ده ردی فیراق
ئه و جاریش باڵی کێشا به سه ر تا کونده بوبوی شه ڕی ئێران وعیراق
 هاته گویم ده نگی پڕ به ده م ها واری کرد ئای گرده سور
کێوی سه ربه رزو به ساڵا چو میوانت هاتن له نیزیک و دور
هاتن هاتن به پۆل کۆرپه کانت ئازیزانت
هه ر وه کو جاران ده یان گریه ئامێز له داوێنی ره نگین و جوانت
وه ڵامی دایه وه دیسان دڵم مه حزونه پڕ له کوڵاوه
ئه وه میژوی کوردوستانه که وا به خوێن نوسراوه
به لام ئازیزان پیر و لاو و کۆرپه ساواکان
چاوه روانی رۆژێکم موژده یه کی خۆش بێنم بۆتان
موژده ی نه مانی شه ڕ نه مانی کۆیله تی و هه ژاری
ئه ویش به یه ک ده نگی و یه ک گرتویی خۆتان دێته دیاری
دور نیه ئه و روژه که نامێنن هه ل په رستان
راده ماڵین گۆڕیان ده که ین داگیر که ران چه وسێنه ران
تیشکی ئازادی له ئاسۆی به رزی وه ڵات خۆی ده نوێنی
دایکی نیشتیمان وه ک بارانی به هار فرمێسکی شادی ده رژێنی
به سیه تی کاکه ته واو نا بی ته وسیفی ئه و ده ردو گه رمه شینه
تف که له شه ڕی وێرانگه ری وه ڵات ئاخر تا که ی ئه م ژینه

یازده ی گه لاوێژی سالی 1366ی هه تاوی – سه رده شت- قادر مینائی
دوای هۆنینه­وه­ی ئه­و هۆنراوه، به هیچ شیوه­یێک بڵاو نه بوته وه . مافی پاریزراوه بۆ قادر مینائی

/ 0 نظر / 115 بازدید